Archive

धनकुटाको साँगुरीगढीमा कांग्रेसको उम्मेद्वार चयन

 धनकुटाको साँगुरीगढीमा कांग्रेसको उम्मेद्वार चयन

नेपाली कांग्रेस क्षेत्र नं. १ का सभापति जितेन्द्र राईको अध्यक्षतामा बसेको बैठकले साँगुरीगढी गाउँपालिकाको प्रमुख, उप्रमुख, वडा अध्यक्ष र सदस्यहरुको छनौट गरेको हो । यस्तै धनकुटा नगरपालिका र खाल्सा छिन्ताङ, शहीदभूमी गाउँपालिकाको उम्मेद्वार वडा, नगर तथा गाउँ समितिबाट सिफारिस भै आएको उम्मेद्वारको नामावली माथि छलफल भैरहेको क्षेत्रीय सचिव रमेश श्रेष्ठले जानकारी दिए ।

सान्ताङ्ग र टेकुनालामा जीवित संग्रहालय

सान्ताङ्ग र टेकुनालामा जीवित संग्रहालय

आठपहरिया राईहरुको अत्यधिक बसोवास रहेको धनकुटा नगरपालिका वडा नं. ८ को सान्ताङ, याक्ते, टेकुनाला लगायतका क्षेत्रहरुलाई जीवित संग्रहालय र नमुना वस्ती निर्माण गर्ने बताएका छन् । सो कुरा सान्ताङ्गमा आयोजित अन्र्त्क्रिया कार्यक्रममा नेपाली कांग्रेसका नेताहरुले वताएका हुन् । धनकुटाको कर्णालीसमेत भनिने सो क्षेत्रका जनताको आर्थिकस्थिति सुधार्न र पर्यटकीयस्थलनिर्माणका लागि विकासका लागि विभिन्न कार्यक्रम सञ्चालन गरिने समेत आश्वासन दिएका छन् ।

पत्रकारहरुद्वारा प्रभातफेरी

पत्रकारहरुद्वारा प्रभातफेरी

स्वतन्त्रता पूर्वक पत्रकारहरुलाई वाच्न र लेख्न देउ भन्ने नाराका साथ विश्व प्रेस स्वतन्त्रता दिवस धनकुटामा पनि मनाईएको छ । सो अवसरमा धनकुटाका पत्रकारहरुले प्रभातफेरी गर्दै बजार परिक्रमा गरेका छन । स्थानीय शहिद भीमनारायण श्रेष्ठ चौकबाट निस्केको पत्रकारहरुको प्रभातफेरीले बजारको विभिन्न भागहरुको परिक्रममा गरी मदन चौकमा पुगी समापन गरिएको थियो ।

ज्योतिष बाौद्धधर्मशास्त्र सम्वन्धि तीन दिने लामा गुरुहरुको तालिम शुरु

ज्योतिष बाौद्धधर्मशास्त्र सम्वन्धि तीन दिने लामा गुरुहरुको तालिम शुरु

बौद्धधर्म मान्ने समुदायका लामागुरुहरुलाई बौद्धधर्मसँग सम्वन्धि ज्योतिष शास्त्रमा प्रशिक्षित गराउने उद्देश्यले हिलेमा तीन दिने बौद्ध (चि) प्रशिक्षण तथा मणी (लुङ) आज शुक्रवारदेखि शुरु भएको छ ।

नयाँ साल उपलब्धीपूर्ण रहने

 नयाँ साल उपलब्धीपूर्ण रहने

नेपाली जनताका लागी नयाँ साल २०७४ उपलब्धीपूर्ण हुने नेपाल प्रेस युनियनद्वारा आयोजित शुभकामना आदानप्रदान कार्यक्रममा सहभागीहरुले बताएका छन् । सो अवसरमा प्रमुख अतिथि सांसद तथा नेपाली कांग्रेसका पूर्वसभापति मनोहरनारायण श्रेष्ठले नयाँ सालको शुभकामना व्यक्त गर्दै २०७४ साललाई नेपालीहरुले उपलब्धिपूर्ण बनाउन स्थानीय तहको निर्वाचन सफल बनाउनुपर्ने बताए । नेपाली जनताको लामो संघर्षपछि प्राप्त संविधानको कार्यान्वयन र घरदैलोमा अधिकार प्राप्तीका लागि पनि निर्वाचनलाई सफल बनाउनुपर्ने श्रेष्ठले बताए ।

चट्याङले २ जनाको मृत्यु

चट्याङले २ जनाको मृत्यु

हावाहुरीसँगै परेको चट्याङ लागेर धनकुटामा २ जनामा ज्यान गएको छ । हावाहुरीसँगै परेको चट्याङ लागेर साँगुरीगढी गाउँपालिका वडा नं. १० ताम्राङकी २४ बर्षिय कृष्ण राईको मृत्यु भएको प्रहरीले बताएको छ । सो समयमा मृतक राई मोवाईलमा कुरा गरिरहेको जनाएको छ ।

भूकम्पपीडितलाई पहिलो चरणको अनुदान रकम वितरण शुरु

भूकम्पपीडितलाई पहिलो चरणको अनुदान रकम वितरण शुरु

२०७२ बैशाख १२ मा आएको विनाशकारी भूकम्पबाट घर भत्किएका भूकम्पपीडितहरुलाई घर निर्माणका लागि पहिलो चरणको अनुदान रकम बितरण शुरु गरिएको छ । नेपालको १७ जिल्लामा दोस्रो चरणको अनुदान वितरण कार्यक्रम अन्तर्गत धनकुटा नगरपालिकाका ४ सय २६ जना भूकम्पपीडितहरुलाई अनुदान उपलब्ध गराउन शुरुवात गरिएको हो ।

विभिन्न पार्टी परित्याग गर्दै कांग्रेस प्रवेश

 विभिन्न पार्टी परित्याग गर्दै कांग्रेस प्रवेश

विभिन्न पार्टी परित्याग गरी सयौं नेता तथा कार्यकर्ता कांग्रेस प्रवेश गरेका छन् । नेपाली कांग्रेस धनकुटा क्षेत्र नं. १ क्षेत्रीय समितिको आयोजनामा भेडेटारमा आयोजित चुनावी सभा तथा पार्टी प्रवेश कार्यक्रममा उनीहरु प्रवेश गरेका हुन् । पार्टी प्रवेश गर्नेहरुमा खम्वुवान मुक्ति मोर्चाका जिल्ला अध्यक्ष नेपालधन राईको नेतृत्वमा सम्पूर्ण २३ जनाको जिल्ला कमिटीसहित ५ सय ५३ जना कांग्रेसमा प्रवेश गरेका छन् । राईको नेतृत्वमा जिल्ला कमिटीले अस्ती २६ गते पार्टी परित्याग गरेको जानकारी प्रेस विज्ञप्ती प्रकाशन गरी दिएका थिए । त्यस्तै निर्देश लिम्बुको नेतृत्वमा संघीय समाजवादी फोरमबाट ६६ जना, आनन्द लिम्बुको नेतृत्वमा नेकपा एमालेबाट १९ जना र सुभाष राईको नेतृत्वमा नेकपा माओवादी केन्द्रबाट ७ जना कांग्रेस प्रवेश गरेका छन्

पर्यटनको प्रवर्द्धन गर्न छथर महोत्सव

पर्यटनको प्रवर्द्धन गर्न छथर महोत्सव

संस्कृति संरक्षण तथा आन्तरिक पर्यटनको प्रवद्र्धन गर्ने उद्देश्यले छथर महोत्सव हुने भएको छ । धनकुटा र तेह्रथुम जिल्लामा रहेको लिम्बु जातिको बिभिन्न ८ थलो (यक) लाई साँस्कृतिक पर्यटन गन्तब्यका रुपमा विकास गर्ने उद्देश्यले महोत्सव आयोजना गर्न लागेको हो ।

निर्वाचन बहिस्कार गर्नेहरु समाप्त हुनेछन्ः महासचिव पोखरेल

निर्वाचन बहिस्कार गर्नेहरु समाप्त हुनेछन्ः महासचिव पोखरेल

नेकपा एमालेका महासचिव ईश्वर पोखरेलले लामो समयपछि हुन गैरहेको स्थानीय तहको निर्वाचनमा सहभागी नभई बहिस्कार गर्नेहरुको अस्तित्व समाप्त हुने चेतावनी दिए । जनताको संघर्षबाट निर्माण गरिएको संविधानको कार्यान्वयनका लागि तथा केन्द्रिय तहमा रहदै आएको अधिकार स्थानीय तहमा ल्याउनको लागि एकमात्र विकल्प निर्वाचन भएकाले कोही भाग्न नसक्ने उनले बताए ।