जिल्ला समाचार

धनकुटाको समृद्धी र विकास कांग्रेसबाट मात्र सम्भव

धनकुटाको समृद्धी र विकास कांग्रेसबाट मात्र सम्भव

समृद्धी र विकासको जग नेपाली कांग्रेसले मात्र हाल्ने भएकाले धनकुटाका ३ नगरपालिका र ४ गाउँपालिकामा नेपाली कांग्रेसलाई मतदान गरी विजयी गराउन केन्द्रिय सदस्यसमेत रहेका आङदेम्वेले आव्हान गरे । सो अवसरमा उनले राणाशासन हटाउन, लोकतन्त्र ल्याउने र गणतन्त्र ल्याउने े कांग्रेस भएको उल्लेख गर्दै संक्रमणकालको अन्त्य गरी संविधान बनाउने पनि कांग्रेस भएको बताए । उनले अब विकास र समृद्धीको अभिभारा पनि कांग्रेसले मात्र दिने भएकाले धनकुटाका सबै तह र वडामा कांग्रेसलाई मतदान गर्न आग्रह गरे । उनले लामो समय एमालेले प्रतिनिधित्व गरेका एमालेले पूर्वको उज्यालो भविष्य र देशलाई सम्पन्न बनाउने अरुण तेस्रो जलविद्युत् आयोजना रद्द गराएको हिसाव दिनु पर्ने बताए ।

राप्रपाले सातै तहमा उम्मेद्वार घोषणा

राप्रपाले सातै तहमा उम्मेद्वार घोषणा

असार १४ गते हुनगैरहेको दोस्रो चरणको स्थानीय निर्वाचनको लागि राष्ट्रिय प्रजातन्त्र पार्टी धनकुटाले उम्मेद्वारहरुको नाम घोषणा गरेको छ । स्थानीय प्याशिफिक होटलमा आयोजित उम्मेद्वार घोषणा कार्यक्रमको आयोजना गरी नाम घोषणा गरेको हो । जिल्लाको ३ नगरपालिका र ४ गाउँपालिकाका उम्मेद्वारहरुको नाम घोषणा गरेको हो । सो अवसरमा पार्टीले महालक्ष्मी नगरपालिका र छथर जोरपाटी गाउँपालिकामा नेपाली कांग्रेससँग चुनावी तालमेल गरेको जानकारी दिए ।

जन्मदिनको खर्च गरिव छात्रालाई

जन्मदिनको खर्च गरिव छात्रालाई

बेलायती सेनामा कार्यरत एक सैनिक परिवारले आफ्नी छोरीको जन्मदिनमा लाग्ने खर्च बचाएर हिलेकि एक गरिव विद्यार्थीलाई सहयोग गरेका छन् । उनले ति वालिकालाई स्कूलमा लाग्ने शुल्कलगायतका लागि बार्षिक रुपमा सहयोग गर्ने स्थानीय संयोजक तथा नेपाल पत्रकार महासंघका उपाध्यक्ष नगेन्द्र राईले जानकारी दिए ।

कांग्रेसकोतर्फबाट धनकुटा नगरका उम्मेद्वारी घोषणा

कांग्रेसकोतर्फबाट धनकुटा नगरका उम्मेद्वारी घोषणा

आशन्न स्थानीय तहको निर्वाचनका लागी नेपाली कांग्रेस धनकुटाले उम्मेद्वार घोषणासभाको आयोजना गरी धनकुटा नगरपालिकाका लागि सबै पदका उम्मेद्वारी घोषणा गरेको छ । घोषणा गरेअनुसार नगर प्रमुखमा नेपाली कांग्रेसका कोषाध्यक्ष तथा तरुण दलका जिल्ला अध्यक्ष दिनेश राई र उपप्रमुख पदमा रेणु श्रेष्ठसहित वडा समितिका अध्यक्ष तथा सदस्यहरु गरी ५२ जना उम्मेद्वार घोषणा गरेको छ ।

एमालेका तर्फबाट धनकुटा नगरका उम्मेद्वार घोषणा

एमालेका तर्फबाट धनकुटा नगरका उम्मेद्वार घोषणा

यहि जेठ ३१ गते हुन गैरहेको स्थानीय तहको निर्वाचनका लागि नेकपा एमालेले धनकुटा नगरकार्यपालिकाको उम्मेद्वार घोषणा गरेको छ । एमालेले नगरकार्यपालिकाको प्रमुखमा चिन्तन तामाङ र उपप्रमुखमा सकुन्तला बस्नेतलाई उम्मेद्वारी घोषणा गरेको छ । यस्तै वडा नं.१ देखि १० सम्म निम्नअनुसारको वडा समितिका वडाध्यक्ष र सदस्यहरु घोषणा गरेको छ ।

धनकुटाको साँगुरीगढीमा कांग्रेसको उम्मेद्वार चयन

 धनकुटाको साँगुरीगढीमा कांग्रेसको उम्मेद्वार चयन

नेपाली कांग्रेस क्षेत्र नं. १ का सभापति जितेन्द्र राईको अध्यक्षतामा बसेको बैठकले साँगुरीगढी गाउँपालिकाको प्रमुख, उप्रमुख, वडा अध्यक्ष र सदस्यहरुको छनौट गरेको हो । यस्तै धनकुटा नगरपालिका र खाल्सा छिन्ताङ, शहीदभूमी गाउँपालिकाको उम्मेद्वार वडा, नगर तथा गाउँ समितिबाट सिफारिस भै आएको उम्मेद्वारको नामावली माथि छलफल भैरहेको क्षेत्रीय सचिव रमेश श्रेष्ठले जानकारी दिए ।

सान्ताङ्ग र टेकुनालामा जीवित संग्रहालय

सान्ताङ्ग र टेकुनालामा जीवित संग्रहालय

आठपहरिया राईहरुको अत्यधिक बसोवास रहेको धनकुटा नगरपालिका वडा नं. ८ को सान्ताङ, याक्ते, टेकुनाला लगायतका क्षेत्रहरुलाई जीवित संग्रहालय र नमुना वस्ती निर्माण गर्ने बताएका छन् । सो कुरा सान्ताङ्गमा आयोजित अन्र्त्क्रिया कार्यक्रममा नेपाली कांग्रेसका नेताहरुले वताएका हुन् । धनकुटाको कर्णालीसमेत भनिने सो क्षेत्रका जनताको आर्थिकस्थिति सुधार्न र पर्यटकीयस्थलनिर्माणका लागि विकासका लागि विभिन्न कार्यक्रम सञ्चालन गरिने समेत आश्वासन दिएका छन् ।

पत्रकारहरुद्वारा प्रभातफेरी

पत्रकारहरुद्वारा प्रभातफेरी

स्वतन्त्रता पूर्वक पत्रकारहरुलाई वाच्न र लेख्न देउ भन्ने नाराका साथ विश्व प्रेस स्वतन्त्रता दिवस धनकुटामा पनि मनाईएको छ । सो अवसरमा धनकुटाका पत्रकारहरुले प्रभातफेरी गर्दै बजार परिक्रमा गरेका छन । स्थानीय शहिद भीमनारायण श्रेष्ठ चौकबाट निस्केको पत्रकारहरुको प्रभातफेरीले बजारको विभिन्न भागहरुको परिक्रममा गरी मदन चौकमा पुगी समापन गरिएको थियो ।

ज्योतिष बाौद्धधर्मशास्त्र सम्वन्धि तीन दिने लामा गुरुहरुको तालिम शुरु

ज्योतिष बाौद्धधर्मशास्त्र सम्वन्धि तीन दिने लामा गुरुहरुको तालिम शुरु

बौद्धधर्म मान्ने समुदायका लामागुरुहरुलाई बौद्धधर्मसँग सम्वन्धि ज्योतिष शास्त्रमा प्रशिक्षित गराउने उद्देश्यले हिलेमा तीन दिने बौद्ध (चि) प्रशिक्षण तथा मणी (लुङ) आज शुक्रवारदेखि शुरु भएको छ ।

नयाँ साल उपलब्धीपूर्ण रहने

 नयाँ साल उपलब्धीपूर्ण रहने

नेपाली जनताका लागी नयाँ साल २०७४ उपलब्धीपूर्ण हुने नेपाल प्रेस युनियनद्वारा आयोजित शुभकामना आदानप्रदान कार्यक्रममा सहभागीहरुले बताएका छन् । सो अवसरमा प्रमुख अतिथि सांसद तथा नेपाली कांग्रेसका पूर्वसभापति मनोहरनारायण श्रेष्ठले नयाँ सालको शुभकामना व्यक्त गर्दै २०७४ साललाई नेपालीहरुले उपलब्धिपूर्ण बनाउन स्थानीय तहको निर्वाचन सफल बनाउनुपर्ने बताए । नेपाली जनताको लामो संघर्षपछि प्राप्त संविधानको कार्यान्वयन र घरदैलोमा अधिकार प्राप्तीका लागि पनि निर्वाचनलाई सफल बनाउनुपर्ने श्रेष्ठले बताए ।